Hér kemur uppskrift af gómsætri ostaköku sem klikkar ekki. Uppskriftin kemur af PlainChicken.com, þar er kakan kölluð „besta heimatilbúna“ ostakakan.
Botn
- 1 ½ bolli mulið graham-kex
- 5 matskeiðar sykur
- 1/3 bolli bráðið smjör
Fylling
- 230 grömm mjúkur rjómaostur
- 1 ½ bolli sykur
- Fjögur egg, aðskilin
- 1 matskeið sítrónusafi
- 1 teskeið vanilla
Aðferð:
- Forhitaðu ofninn í 160 gráður.
- Botn: Blandaðu hráefninu saman og þrýstu blöndunni niður í kökuform.
- Fylling: Blandaðu rjómaostinum, sykrinum, fjórum eggjarauðum, sítrónusafa og vanilludropum saman með þeytara.
- Í annarri skál, þeyttu fjórar eggjahvítur þar til þær eru orðnar stífar. Hrærðu eggjahvítunum þá varlega saman við hina blönduna með sleif. Helltu blöndunni yfir botninn.
- Bakaðu í um 35 mínútur. Slökktu þá á ofninum og láttu kökuna standa í ofninum í klukkustund til viðbótar.
- Settu kökuna svo í fyrsti í nokkrar klukkustundir áður en hún er borin fram og látin þiðna.
Botn kökunnar er gerður úr m.a. graham-kexi.