Í tilefni Hinsegin daga ákvað Smartland Mörtu Maríu að taka saman lista yfir nokkur af glæsilegustu hinsegin pörum landsins. Úr nógu var að velja enda er landið fullt af glæsilegum hinsegin pörum.
Jóhanna Sigurðardóttir og Jónína Leósdóttir
Jóhanna Sigurðardóttir, fyrrum forsætisráðherra Íslands, og eiginkona hennar Jónína Leósdóttir, rithöfundur og blaðamaður, verma að sjálfsögðu sæti yfir glæsilegustu hinsegin pör Íslands. Jóhanna er fyrsti kvenkyns forsætisráðherra Íslands en því embætti gegndi hún árin 2009–2013. Þá er hún fyrsta opinberlega samkynhneigða konan sem gegnir starfi forsætisráðherra á heimsvísu. Þær Jóhanna og Jónína eru stórglæsilegt par.
Ugla Stefanía Kristjönudóttir Jónsdóttir og Fox Fisher
Þau Ugla Stefanía Kristjönudóttir Jónsdóttir og Fox Fisher eru afar glæsilegt par. Þau eru bæði trans-aktivistar og er Ugla Stefanía til að mynda í stjórn Samtakanna 78 og hefur verið áberandi í réttindabaráttu trans-fólks. Saman hafa þau gefið út nokkur myndbönd á Youtube þar sem þau ræða um málefni trans-fólks og hinsegin fólks. Þetta glæsilega par vermir að sjálfsögðu sæti á listanum.
Baldur Þórhallsson og Felix Bergsson
Þá Baldur Þórhallsson, prófessor í stjórnmálafræði, og Felix Bergsson, leikara og dagskrágerðarmann, þarf vart að kynna. Í janúar vildu margir sem tóku þátt í viðhorfakönnun Gallup fá Baldur sem næsta forseta lýðveldisins Íslands og fá þá Felix til þess að flytjast á Bessastaði. Því verður ekki neitað að þeir Baldur og Felix eru hrikalega flottir saman.
María Rut Kristinsdóttir og Ingileif Friðriksdóttir
Þær María Rut Kristinsdóttir, sérfræðingur hjá innanríkisráðuneytinu, og Ingileif Friðriksdóttir, laganemi og blaðamaður, eru glæsilegar saman. Þær halda úti Hinseginleikinn á Snapchat sem ætlað er til að fræða ungmenni um hinseginveruleika, stuðla að vitundarvakningu og draga úr staðalímyndum.
Helgi Ómarsson og Kasper Kramer
Þeir Helgi Ómarsson og Kasper Kramer verma að sjálfsögðu sæti á listanum enda afar glæsilegir saman. Helgi er ljósmyndari og lífstílsbloggari á vefsíðunni Trendnet en Kasper starfar í markaðsmálum hjá Magasin du Nord. Saman búa þeir í Kaupmannahöfn en kíkja reglulega til Íslands.
Ármann Skæringsson og Friðrik Ómar Hjörleifsson
Þeir Ármann Skæringsson og Friðrik Ómar Hjörleifsson eru stórglæsilegt par og verma að sjálfsögðu sæti á listanum. Friðrik Ómar hefur verið afar áberandi í íslensku tónlistarsenunni og tók þátt í Eurovision fyrir Íslands hönd árið 2006.
Eva María Þórarinsdóttir og Birna Hrönn Björnsdóttir
Þær Eva María Þórarinsdóttir og Birna Hrönn Björnsdóttir eru glæsilegar saman. Þær eiga og reka ferðaþjónustuna Pink Iceland en auk þess er Eva María formaður Hinsegin daga. Þetta glæsilega par komst auðvitað á listann.
Bergþór Pálsson og Albert Eiríksson
Þeir Bergþór Pálsson og Albert Eiríksson eru stórglæsilegir saman. Báðir eru þeir miklir matgæðingar og heldur Albert úti blogginu Albert í eldhúsinu. Að sjálfsögðu verma þeir Bergþór og Albert sæti á listanum.