Líf einhleypra getur verið æði fjörugt og skemmtilegt. PR fulltrúi sem Smartland Mörtu Maríu ræddi við sagði að það væri fátt mikilvægara fyrir þá sem eru á lausu en að vera með góða prófíl mynd af sér. Þetta á ekki bara við um á Facebook, Instagram eða LinkedIn heldur líka um Tinder og Ashley Madison. Þar að segja ef fólk hefur það markmið að ganga út.
Það eru þó ekki alveg allir jafnmeðvitaðir um þetta eins og sést á prófíl-myndunum hér fyrir neðan. Því miður verða líka tískuslys þar. Það má alveg velta fyrir sér hverju fólk ætlaði að reyna að koma til skila með prófíl-myndunum. Smartland Mörtu Maríu gerir hér heiðarlega tilraun til að lesa í skemmtilegar prófílmyndir á samfélagsmiðlum:
Þessi hefur mikinn tónlistaráhuga auk þess sem hún elskar frelsi hafsins, kóngafólk og útsaum.
Þessi herra er greinilega mikill útivistarmaður og elskar að veiða sér til matar. Ekki er alveg ljóst hvort hann ætli sér að nota byssuna á fiskræfilinn sem virðist ansi slappur fyrir.
Þessi kona virðist vinna í Sorpu og unir hag sínum vel enda augljóslega afslöppuð í vinnunni.
Þessi góði maður leggur áherslu á að hann er bíleigandi og ekki kulsækinn. Þá finnst honum gott að hlýja sér á vélarhlífinni í góðra vina hópi.
Þessi undirstrikar nokkuð vel að hann er fjáður auk þess sem áhugi hans á púðaskrauti leynir sér ekki.
Þessi kona er mikið fyrir „bling bling“ og svo rosalega að hana langar til að borða það.
Smartland Mörtu Maríu getur ekki lesið í hvað vakir fyrir þessari konu. Bara alls ekki.
Þessi kona vekur með myndinni áherslu á sín helstu áhugamál, þ.e. skógarhögg og rósarækt.
Maðurinn er greinilega að leita að kisulóru til að gefa blómin sín. Að öðru leyti er erfitt að lesa í þessa prófílmynd.
Þarna er á ferðinni áhugamanneskja um vínsmökkun og lampaskerma í framandi hlutverkum.
Konan vill, með myndinni, koma á framfæri áhuga sínum á ávöxtum og lestri ritstjórnargreina og almennum menningaráhuga.