Flestar höfum við heyrt um raðfullnægingar, en ekki hafa allar þó verið svo heppnar að fá að reyna þær á eigin skinni.
Nú vill heimasíðan OMGYES breyta þessari staðreynd, en á dögunum birtust niðurstöður könnunar sem framkvæmd var á síðasta ári, þar sem leitast var við að finna út hvernig konur geta borið sig að ef þær vilja upplifa fyrirbærið.
Rúmlega 1.000 konur, á aldrinum 18-95 ára, tóku þátt í könnuninni en tæplega helmingur þeirra sagðist reglulega fá raðfullnægingar. Ef marka má þessar konur er lykillinn að þess háttar fullnægingum fjölbreytileiki.
Nánar tiltekið notast þær við hægari og mýkri hreyfingar þegar þær ætla að komast á áfangastað í annað, þriðja eða fjórða sinn.
Svona virkar þetta; þegar konur fá fullnægingu eykst blóðflæði í kynfærum kvenna og snípurinn verður mun næmari en áður. Þess vegna mun samskonar örvun og kom fyrstu fullnægingunni í kring líklega ekki kunna góðri lukku að stýra.
Frétt Women‘s Health