Kúrekastelpan hættulegasta stellingin

Við vitum öll að það getur verið nauðsynlegt að krydda upp á kynlífið með nýjum og skemmtilegum kynlífsstellingum. Eins fjölbreyttar og stellingarnar geta verið þá eru þær einnig mishættulegar.

Niðurstöður rannsóknar Ann Summers sýna fram á að þegar konan er ofan á í kynlífi eru meiri líkur á meiðslum en ella. Rannsóknin var framkvæmd í Bretlandi en 23% Breta sögðu kúrekastelpuna sína uppáhaldsstellingu.

Þegar konan er ofan á eru meiri líkur á að typpið brákist en ella. „Þegar konan er ofan á stjórnar hún hreyfingunum með allri líkamsþyngd sinni ofan á stinnu typpinu,“ segir í rannsókninni sem gefin var út í „Advances in Urology.“

Á vef Cosmopolitan kemur fram að flest slys eigi sér stað með þeim hætti að karlmaðurinn nær ekki að grípa inn í þegar typpið fer inn með röngum hætti. Konan finnur ekki fyrir neinu en þetta orsakar mikinn sársauka fyrir karlmanninn. Þegar karlmaðurinn stjórnar hreyfingunni getur hann fundið fyrir hlutum sem þessum áður en þeir gerast og stoppað hreyfinguna.

Kúrekastelpan er skemmtilegt stelling en í henni þarf að passa upp á að fara ekki of geyst.  

Kúrekastelpan getur verið hættulega staða. Ljósmynd/Skjáskot Women's Health

• Blogga um frétt