Selfie-myndir ýta undir hamingju

Ný rannsókn sem birtist í læknatímaritinu Psychology of Well-Being hefur leitt í ljós að það að taka sjálfsmyndir getur ýtt undir hamingju og gefið manni orku. Þetta eru ansi góðar fréttir fyrir þá sem elska að taka sjálfsmyndir.

Rannsóknin byggði á þátttöku 40 nemenda. Þátttakendur voru beðnir um að sækja smáforrit í símann sinn og skrá reglulega niður líðan sína yfir fjögurra vikna tímabil.  Hópnum var skipt niður í þrjá minni hópa, einn hópurinn átti að taka selfie-mynd á hverjum degi. Meðlimir annars áttu að taka myndir af því sem gladdi þá og meðlimir þriðja hópsins átti að taka myndi af því sem þeir töldu að myndi gleðja aðra og senda þeim einstaklingum. Eftir tímabilið kom í ljós að allir þátttakendur voru almennt hamingjusamari.

Niðurstöðurnar leiddu líka í ljós að þeir sem áttu að taka sjálfsmyndir voru farnir að brosa meira almennt og voru glaðari og sjálfsöruggari. Þeir fundu einnig fyrir minna stressi.

Um frekar lítinn hóp er að ræða en niðurstöðurnar eru samt sem áður áhugaverðar. Hérna er hægt að lesa nánar um rannsóknina og niðurstöður hennar.

Ættu þá ekki allir að fjárfesta í selfie-stöng?

• Blogga um frétt