Getur ekki hætt að hugsa um fyrrverandi

„Svona er staðan, stóra ástin í lífi mínu hættir með mér. Ári síðar hitti ég indælan strák sem elskar mig og hefur helgað sér mig. Gamli kærastinn fríkar út, biðst afsökunar og stingur upp á því að við giftum okkur. Ég ákveð að vera áfram með nýja kærastanum,“ svona hljómar fyrirspurn ungrar konu, sem er í talsverðri klemmu. Hún leitaði því á náðir E. Jean, sérlegs ráðgjafa tímaritsins Elle.

„Vandamálið er þetta, tveimur árum síðar hugsa ég enn um gamla kærastann 15 sinnum á dag. Hann hringir ennþá og okkur semur glimrandi vel (við deilum forræði yfir hundinum okkar). Við segjum ennþá, „ég elska þig“ við hvort annað og ég fæ ennþá fiðrildi í magann þegar ég er í kringum hann. Spurningin er þessi, er ég búin að tapa glórunni? Nýi kærastinn er líka indæll. Ég er ástfangin af tveimur mönnum, hvernig á ég að velja á milli?

Hinn gamansami ráðgjafi var að sjálfsögðu með svör á reiðum höndum.

„Í bréfinu þínu eru næstum því 130 orð. Megnið af þeim fjallar um gamla kærastann. Aðeins örfáum orðum er eytt í þann nýja. Þess að auki hófst þú bréfið á orðunum „stóra ástin í lífi mínu“. Láttu nú ekki svona, þarft þú nokkuð á hjálp minni að halda eftir allt saman?“

Ljósmynd / Getty Images

• Blogga um frétt