Svona oft stunda hamingjusöm pör kynlíf

Meira er ekki alltaf betra. Rannsókn sem sýnir hversu oft hamingjusöm pör stunda kynlíf leiðir þetta í ljós. Einu sinni í viku er nóg fyrir þau hamingjusömu. 

30 þúsund manns í Bandaríkjunum tóku þátt í rannsókninni samkvæmt The Daily Dot en rannsóknin tók yfir fjóra áratugi. Að stunda kynlíf oft í viku er því líklega ekki leiðin til þess að bæta hamingjuna í sambandinu. 

„Uppgötvun okkar gefur í skyn að það sé mikilvægt að viðhalda náinni tengingu við makann en þú þarft ekki að stunda kynlíf á hverjum degi svo lengi sem þú viðheldur þessari tengingu,“ sagði Amy Muise aðalrannsakandi í rannsókninni. Kynlíf snýst því um gæði umfram magn. 

Gæði umfram magn er lykilatriði. mbl.is/Thinkstockphotos

Þegar kemur að þeim einhleypu virðist ekki vera tenging á milli vellíðanar og hversu oft fólk stundar kynlíf. Ástæðan getur verið sú að fólki finnst misauðvelt að stunda kynlíf án þess að vera í sambandi með hinum aðilanum. 

Því er oft haldið fram að karlmenn vilji stunda meira kynlíf en konur en í rannsókninni kom í ljós að það er ekki rétt. Samkvæmt rannsókninni vilja karlar ekki stunda oftar kynlíf og það er ekki heldur sjálfgefið að fólk stundi sjaldnar kynlíf eftir því sem það verður eldra. 

Einu sinni í viku er nóg fyrir þau hamingjusömu. mbl.is/Thinkstockphotos

• Blogga um frétt