Vala Valtýsdóttir lögmaður á Lögfræðistofu Reykjavíkur svarar spurningum lesenda Smartlands. Hér fær hún spurningu frá manneskju sem spyr hvað verði um peninga fólks sem á engan að. 

Blessuð, Vala. 

Hvað verður um eignir einstaklings sem á enga náskylda lögerfingja? Ef einstaklingur á hvorki maka né börn, hann er ættleiddur og þekkir ekki til fjölskyldu blóðforeldra sem báðir eru látnir, ættleiðingarforeldrar eru látnir og systkin einnig sem einnig voru ættleidd, börn þeirra systkina eru þó einhver á lífi en ekki nátengd viðkomandi. Hvað verður um eignir við andlát? Getur hann ráðstafað eignum sínum með erfðaskrá eða öðru móti? Hvað þarf að gera til að tryggja ráðstöfun eigna í slíku tilviki?

Kveðja, 

BV

Hver fær peninga þeirra sem eiga engan að? Tijs Van Leur/Unsplash

Sæl, BV. 

Samkvæmt skýrum ákvæðum erfðalaga getur einstaklingur sem á enga skylduerfingja; þ.e. hvorki maka né börn, ráðstafað öllum sínum eignum með erfðaskrá. Af fyrirspurn þinni verður ekki annað ráðið en að systkin þín (ættleidd) eigi börn. Kjörbarn og niðjar þess, þar á meðal kjörniðjar, erfa kjörforeldra og ættingja þeirra og gagnkvæmt. Þannig myndu þessi börn (kjör)systkina þinna erfa allar eignir þínar eftir þinn dag að því gefnu að þú hafir ekki ráðstafað eigum þínum eftir þinn dag með öðrum hætti, svo sem með erfðaskrá.

Kær kveðja, 

Vala Valtýsdóttir lögmaður

Liggur þér eitthvað á hjarta? Þú getur sent Völu og öðrum lögmönnum á Lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Skerðist ellilífeyrir ef húsið er selt og minni íbúð keypt?

• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?
• Skerðast tekjur hjá eldri borgurum við sölu á sumarhúsi?

» Fleiri tengdar fréttir

• Blogga um frétt