Katrín hertogaynjan af Cambridge fékk sér kaffibolla með sjálfboðaliðum samtakanna Family Friends í London í morgun. Samtökin sérhæfa sig í að aðstoða bágstaddar fjölskyldur. Tveggja ára snáði átti að færa Katrínu blóm en hann hætti við á síðustu stundu.
Ryan, litli drengurinn sem átti að færa Katrínu blóm, hætti við á síðustu stundum sökum feimni. Hann hafði æft sig alla vikuna en þegar að stóru stundinni kom þá missti hann kjarkinn. Það var móðir Ryan sem rétti Katrínu blómin á endanum. Atvikið vakti mikla lukku enda er Ryan agalega krúttlegur.
Katrín klæddist 13.000 króna óléttukjól frá merkinu Seraphine og 25.000 króna ljósblárri kápu frá sama merki. Katrín spjallaði bæði við sjálfboðaliða samtakanna og fjölskyldur sem hafa nýtt sér aðstoð frá samtökunum.
Tracy Samuels, móðir Ryan, er einstæð og hefur fengið hjálp frá Family Friends samtökunum eftir að sonur hennar fæddist. Hún fékk tækifæri til að eiga orð við Katrínu. „Hún spurði mig hvernig ég hefði komist af eftir að sonur minn fæddist. Ég sagði henni að ég hafi verið mjög þunglynd og jafnvel íhugað sjálfsvíg, en móðir mín kom mér á rétta braut,“ sagði Samuels.