23 ára tvífari Georgs Bretaprins

Það liggur enginn vafi á því að Georg Bretaprins er trendsetter í barnafatatískunni. Þær vörur sem prinsinn sést klæðast rjúka út úr búðunum og seljast upp. Nú virðist þó sem klæðnaður hans sé byrjaður að hafa áhrif á fullorðna karlmenn.

Hinn 23 ára gamli Max Knoblauch frá New York ákvað að klæða sig eins og Georg Bretaprins í heila viku sem félagsfræðitilraun fyrir Mashable. Þrátt fyrir að vera tuttugu og einu ári eldri en Georg ákvað Knoblauch að taka áskoruninni.

Skjáskot af vef Mashable

Á heimasíðu Mashable skrifaði Knoblauch: „Georg Bretaprins er tveggja ára gamall og þriðji í röðinni til að erfa bresku krúnuna. Ég aftur á móti er tuttugu og þriggja ára gamall og bý í þriggja herbergja íbúð með tveimur gluggum í Brooklyn. Það er alveg augljóst að líf Georgs er betra en mitt. Þess vegna stökk ég á tilboðið þegar mér bauðst að feta í fótspor hans.“

Knoblauch varð sér úti um klæðnað sem líktist sem mest þeim dressum sem Georg hefur sést í. Hann byrjaði svo venjulega vinnuvika á mánudegi en var klæddur sem hinn tveggja ára gamli Georg Bretaprins.

Að viku lokinni komst Knoblauch að þeirri niðurstöðu að hann hefði ekki lært neitt nýtt á því að klæða sig eins og hinn konungborni Georg í viku. „Ég lærði að það hefur enga þýðingu að vera konungborinn árið 2015,“ sagði Knoblauch.

Skjáskot af vef Mashable

Skjáskot af vef Mashable

• Blogga um frétt