Meikar á sér afturendann

Það er ekki tekið út með sældinni að vera stórstjarna, enda eru þær undir stöðugu eftirliti fjölmiðla sem rýna í útlit þeirra. Raunveruleikastjarnan Kim Kardashian þekkir það af eigin raun, enda fer hún sjaldan út fyrir hússins dyr án þess að vera óaðfinnanlega til fara.

Flestum konum þykir eflaust nóg að skella sér í fallegan kjól, farða á sér andlitið og greiða hárið – en það þykir Kardashian ekki.

Á dögunum deildi förðunarfræðingur stjörnunnar, Mario Dedivanovic, ansi hressilegum myndum sem teknar voru þegar Kardashian var að gera sig klára fyrir VMA-verðlaunahátíðina. Þar sést glögglega að það er brýnasta nauðsyn að meika þá staði sem sést í bert hold, og svo virðist vera sem afturendinn sé þar ekki undanskilinn.

„Þið hélduð að ég myndi aðeins vinna með andlitið,“ skrifaði Dedivanovic á Instagram-síðu sína.

Svona leit stjarnan út eftir yfirhalninguna. Skjáskot / Fashionista

• 1 blogg um fréttina

Bloggað um fréttina

• Frikkinn: Áhugavert starf