Í tilefni af undankeppni Eurovision í Kænugarði í kvöld taka Sjónvarp Símans og mbl.is höndum saman um að sýna glænýjan sjónvarpsþátt í ritstjórn Hugrúnar Halldórsdóttur um Svölu Björgvinsdóttur og Einar Egilsson.

Þau fengu bæði nýja sýn á lífið og tilveruna eftir harðan árekstur á Reykjanesbraut sem kostaði þau næstum því lífið. Tveir bræður Einars voru einnig í bílnum en þau voru á þessum tíma öll í hljómsveitinni Steed Lord en faðir þeirra bræðra Egill Eðvarðsson og tengdapabbi Svölu var að aka þeim í Leifsstöð enda var Evrópu hljómleikaferð Steed Lord að hefjast.

Tónleikaferðalaginu var aflýst enda tók við löng spítalavist og endurhæfing eftir þetta alvarlega umferðaróhapp. Í þættinum er ferli Svölu Björgvinsdóttur gerð góð skil frá hennar fyrsta lagi „Ég hlakka svo til“ sem landsmenn þekkja vel og er fastur punktur í jólaundirbúningi landsmanna að hlýða á og til dagsins dag, sjálft undankvöldið í Eurovision. Skemmtilegur en líka dramatískur þáttur í framleiðslu Skot sem frumsýndur var í gær í Sjónvarpi Símans. Áfram team Svala!!

Tengdar fréttir

Eurovision

Ísland tekur þátt í Eurovision 2025

• Söngvakeppnin haldin í Basel
• Segir Ísland líklegt til að vinna Eurovision 2025
• Loreen segir ekkert til í sögusögnum
• Kostnaðurinn 175 milljónir

» Fleiri tengdar fréttir

• Blogga um frétt