Felur sóríasis með brúnkukremi

Raunveruleikastjarnan Kim Kardashian lætur einskis ófreistað til að auglýsa sjálfa sig og sjónvarpsþáttinn sinn.

Allt er notað til að græða pening og er hennar heilsa þar engin undantekning. Í sumar fylgdust áhorfendur með því þegar Kardashian greindist með húðsjúkdóminn sóríasis. Sjúkdómurinn getur haft mikil áhrif á húðina og valdið ljótum blettum sem eru illmeðhöndlanlegir.

Kardashian hefur þó reynst mörgum sem þjást af sjúkdómnum fyrirmynd því hún lætur hann ekki stöðva sig. Birti hún á dögunum myndir af fótunum á sér ásamt leiðbeiningum um hvernig hún felur blettina.

Segist hún nota til þess brúnkusprey og að það geri kraftaverk eins og meðfylgjandi myndir sýna. Hvort læknar geti gæðavottað þessa aðferð fylgir ekki sögunni en hún lætur sjúkdóminn ekki stöðva sig, sem ætti svo sannarlega að vera öðrum sóríasissjúklingum hvatning.

mbl.is/Kim Kardashian

Hér má sá föngulega fótleggi Kim Kardashian eftir að hún er búin að sprauta brúnkukremi á sig. mbl.is/Kim Kardashian

• 1 blogg um fréttina

Bloggað um fréttina

• Bogi Jónsson: Þarabað hefur góð áhrif á sóríasis