„Ég vildi óska að ég liti svona út“

Nýjasti samningurinn sem leikkonan Julia Roberts landaði er við tískuhús Givenchy en hún er andlit vorlínu Givenchy fyrir næsta ár. Roberts er ánægð með að vera loksins orðin tískufyrirsæta.

Riccardo Tisci, listrænn stjórnandi Givenchy, segir Roberts vera fullkominn fulltrúa eldri viðskiptavina Givenchy en Roberts er 47 ára gömul.

Hann segir Roberts hafa fjölbreyttan stíl líkt og Givenchy. „Í mars hef ég verið hjá Givenchy í tíu ár og þess vegna vildi ég vinna með konu sem er þroskuð, falleg, hæfileikarík og tilgerðarlaus,“ sagði Tischi í við Yahoo Style.

Í auglýsingaherferð Givenchy fyrir næsta vor má sjá Roberts stilla sér upp m.a. í svartri dragt. Myndirnar eru svarthvítar og fágaðar. Roberts kveðst þó ekki líta svona út í daglegu lífi. „Ég vildi óska að ég liti svona út! Ef þú myndir sjá mig núna þá myndir þú springa úr hlátri. Mér finnst þetta vera mjög svalar myndir og þetta eru allt föt sem ég hefði valið sjálf,“ sagði Roberts áður en hún grínaðist með að hafa loksins náð að gerast tískufyrirsæta, að nálgast fimmtugt.

Julia Roberts er algjör töffari í nýju Givenchy auglýsingunum Twitter

• Blogga um frétt