Var „hipster“ og svo lopapeysu-týpa

Edit Ómarsdóttir er tveggja barna móðir og pistlahöfundur hjá Króm. Edit hefur brennandi áhuga á hönnun, tísku og öllu sem því tengist. Svo er hún alvöru tölvunörd að eigin sögn. Fatastíll Editar hefur tekið einhverjum breytingum á seinustu árum en þessa stundina er hann einfaldur.

Get­ur þú lýst þínum fata­stíl?  „Í dag myndi ég segja að stíllinn minn væri einfaldur og þægilegur, kannski smárokkaður. En ég er búin að taka út nokkur tískutímabil, ég var „hipster“ fyrir u.þ.b. tíu árum, svo breyttist ég í lattelepjandi lopatrefla-týpu og svo tók ég krúttkjóla-tímabil líka.“

Fyr­ir hverju fell­ur þú yf­ir­leitt? „Þegar ég labba inn í fataverslanir þá dregst ég strax að yfirhöfnum, ég á aldrei of mikið af yfirhöfnum.“

Hvað er nauðsyn­legt að eiga í fata­skápn­um sín­um? „Fallegan hatt og góðar gallabuxur.“

Hvað dreym­ir þig um að eign­ast? „Michael Kors-veski og Cyclokross-hjól.“

Hver er dýr­asta flík­in í fata­skápn­um þínum? „Canada Goose-úlpan mín held ég að sé langdýrust, fyrir utan hana þá er það fallegur svartur kjóll frá Gust.“

Hvað vant­ar í fata­skáp­inn þinn? „Skipulag og eitt Michael Kors-veski.“

Í hvað mynd­ir þú aldrei fara? „Netasokkabuxur!“

Eru ein­hver tísku­slys í fata­skápn­um þínum?  „Nei, ég held það sé ekkert eins og er, það getur samt vel verið að sumir séu ekki sammála mér. Er þetta ekki voða persónubundið?“

Hvað finnst þér mest heill­andi í vor- og sum­ar­tísk­unni?
„Bóhemíski stíllinn sem er að koma sterkur inn, virkar þægilegur, engir skærir litir, allt voða einfalt og í jarðlitum. Einnig er ég rosalega hrifin af hártískunni, axlarsítt hár. Ég kvaddi löngu lokkana fyrir stuttu og ég sé sko ekki eftir því.“

Ef þú mynd­ir vinna millj­ón í Happ­drætti DAS, hvað mynd­ir þú kaupa þér? „Ég myndi taka fjölskylduna mína með út í skemmtilega utanlandsferð til framandi lands.“

Edit dreymir um að geyma dótið sitt í fallegri tösku frá Michael Kors. Ljósmynd/ Edit Ómarsdóttir

• Blogga um frétt