Manuela Ósk mætti eins og drottning

„Síðastliðinn laugardagur var mikill merkisdagur í mínu lífi. Ekki nóg með það að ég fagnaði enn einu aldursárinu, varð hvorki meira né minna en 32 ára gömul – þá var ein af mínum nánustu vinkonum, sem einnig er frænka mín – að gifta sig.

Ég vildi því augljóslega vera í mínu allra fínasta pússi – og líta sem best út og mér er mögulegt!

Ég leitaði til Andreu hjá NYX fyrir förðun – en ég vinn svo mikið með hanni að hún er farin að kunna ansi vel á mig og veit hvað fer mér best,“ segir Manuela Ósk í bloggfærslu á Krom.is

Manuela Ósk segir að hún sé ekki nógu fær í að gera sjálf á sér hárið og mála sig. Því hafi The Studio í Kringlunni komið til bjargar og gert hárið á henni eins og á Hollywood-stjörnu.

„Ég er alveg jafn léleg að gera á mér hárið eins og ég er að mála mig – þannig að ég fékk stelpurnar á Studio í Kringlunni til að hjálpa mér – en ég vildi fá mikla lyftingu og liði – sem er mjög erfitt fyrir mitt hár – því það lekur allt úr því á korteri,“ segir hún í færslunni. Kjóllinn sem Manuela Ósk klæddist er frá Nasty Gal og skórnir frá Stellu McCartney. 

„Eftir endalausa túberingu og 3 brúsa af hárspreyi, voru allir sáttir – og ég fór í brúðkaupið með algjört Hollywood-hár,“ segir Manuela Ósk. 

Og svo greip hún vöndinn!

• Blogga um frétt