Sumarið er tími brúðkaupanna og þá er gott að vita hvernig á að bera sig að í brúðkaupsveislum. Á vef Cosmopolitan birtust nýverið upplýsingar fyrir kvenkyns brúðkaupsgesti um hvernig á ekki að klæða sig á stóra degi einhvers annars, þetta ættu allir að lesa sem eru á leiðinni í brúðkaup í sumar.
Síðum hvítum kjól: Þetta er mikilvægasta reglan, ekki klæðast hvítum síðum kjól í brúðkaupi nema þú sért brúðurin.
Hvítu eða beinhvítu: Ekki klæðast neinu sem gæti mögulega verið gjaldgengt fyrir brúður. Hvítir samfestingar, pils og kjólar eru á bannlistanum.
Gegnsærri flík: Það er ekki viðeigandi að glæðast gegnsæju í brúðkaupi, gegnsæjar flíkur eiga frekar heima á djamminu.
Mjög flegnu: Sama á við um mjög flegnar flíkur, þær hentar betur í partý.
Flip flop-skóm: Sætir sandalar eru í lagi en ekki flip flop-skór. Þeir eru engan vegin smart og eiga heima á ströndinni.
Gallabuxum: Gallabuxur passa ekki í brúðkaup, alveg sama hvernig þær eru í sniðinu.
Einhverju úr gallaefni: Gallaefni er eiginlega bara á bannlistanum, gallajakkar, gallapils, gallabuxur, gallavesti...geymdu þessar flíkur fyrir annað tilefni.
Kórónu: Ekki reyna að stela athyglinni af brúðinni með prinsessulegu hárskrauti.
Einhverju of skrautlegu: Þetta verður hver og einn að meta fyrir sig. Hlébarðamynstur eða ofurskreyttar flíkur passa ekki beint í brúðkaup, eða hvað finnst þér?
Stuttermabolum með slagorðum: Slíkir bolir eru allt of hversdagslegir.
Djammskóm: Veldu skóna vandlega því áberandi og himinháir djammskór passa ekki í brúðkaup.
Farðu varlega í svarta litinn: Það er allt í lagi að klæðast svörtu en reyndu að gera það á réttan hátt. Ekki klæða þig eins og þú sért að fara í jarðarför. Veldu svartar flíkur í skemmtilegum efnum eða sniðum og þú ættir að vera í lagi.