Kjóll dótturinnar kostaði 1,3 milljónir króna

Blue Ivy, dóttir poppdrottningarinnar Beyoncé og rapparans Jay Z, gekk sinn fyrsta rauða dregil í gærkvöldi þegar VMA-verðlaunin voru haldin hátíðleg.

Kjóll þeirrar stuttu, sem er fjögurra ára, vakti gríðarlega eftirtekt en hann er frá hönnuðinum Mischka Aoki líkt og segir í frétt Daily Mail. Við kjólinn bar telpan síðan demantskórónu frá Lorraine Schwartz.

Að sjálfsögðu sá tískudrottningin Beoyncé til þess að dóttirin væri skikkanlega til höfð, en kjóll Blue Ivy kostaði 10.950 Bandaríkjadali, sem samsvarar tæplega 1,3 milljónum íslenskra króna.

Söngkonan sjálf klæddist kjól frá ítalska hönnuðinum Francesco Scognamiglio, auk þess sem hún var hlaðin dýrindis skartgripum sem samkvæmt frétt Elle eru metnir á 13 milljónir Bandaríkjadala, eða 1,5 milljarða íslenskra króna.

Margir vilja meina að poppdrottningin hafi litið út eins og engill, einkum og sér í lagi vegna fjaðraskrautsins sem hún bar um háls sér. AFP

• Blogga um frétt