Katrín, hertogaynja af Cambridge, er tískufyrirmynd kvenna um gervalla veröld, en föt sem hún klæðist rjúka jafnan úr hillunum. Sér í lagi ef hún lætur sjá sig á almannafæri í fatnaði sem kostar ekki annan handlegginn.
Það þarf því ekki að undra að sala á strigaskóm frá ítalska merkinu Superga hafi tvöfaldast síðustu misserin, eins og fram kemur í frétt Daily Mail.
Katrín er ekki eini aðdáandi skónna því tískupían Alexa Chung hefur einnig sést klæðast þeim, sem og fyrirsætan Karlie Kloss og leikkonan Emma Watson.
Skórnir eru á viðráðanlegu verði, en þeir kosta 50 sterlingspund eða rétt rúmar 6.400 íslenskar krónur.