Smartland Mörtu Maríu | Tíska | mbl | 10.6.2017 | 9:00

Best klæddu konur Íslands

Íslenskar konur eru einstaklega flottar í tauinu. Ljósmynd / samsett

Íslendingar eru mikið smekkfólk og afar tískumeðvitaðir einstaklingar. Það þarf því ekki að undra að hér úi og grúi allt af sérlega vel klæddu fólki.

Á dögunum birti Smartland lista yfir best klæddu íslensku karlmennina, en nú er komið að konunum. Það er nefnilega vart þverfótað fyrir smekklegum konum á Íslandi.

Frétt Smartlandi: Best klæddu karlar landsins

Stílistinn Ellen Loftsdóttir er töffari af guðs náð. Stíllinn hennar er áreynslulaus og skemmtilegur. Anna Maggý

Björg Ingadóttir, eigandi Spaksmannsspjara, er með klassískan og flottan stíl. Morgunblaðið/Ófeigur Lýðsson

Manúela Ósk er með puttann á púlsinum þegar kemur að tísku. Hún á gott safn af flottum íþrótta- og götufötum og klæðist gjarnan bleikum flíkum. Skjáskot / Instagram

Andrea Magnúsdóttir fatahönnuður hefur getið sér gott orð fyrir fagrar flíkur sem hún hannar undir merkinu AndreA. Hún hefur einnig fallegan stíl sem tekið er eftir. Ljósmyndari / Aldís Pálsdóttir

Anna Fríða Gísladóttir, markaðsstjóri Domino's á Íslandi, kann að klæða sig, en stíll hennar er dömulegur og fallegur. Morgunblaðið / Ófeigur Lýðsson

Liv Bergþórsdóttur, forstjóra Nova, ferst vel úr hendi að raða saman fallegum og stílhreinum fötum. AÐSEND

Birgitta Líf Björnsdóttir, samfélagsmiðlastjóri World Class og flugfreyja, kann vel að meta falleg föt. Hún tekur sig jafn-vel út í síðkjólum og æfingafatnaði.

Saga Sig hefur litríkan og líflegan stíl, sem sker sig úr. Hún eltist ekki við tískustrauma, heldur klæðist því sem henni þykir fallegt. Ljósmyndari / Bjarni Sig

Helga Ólafsdóttir, yfirhönnuður og eigandi iglo+indi, er sérlega smart. Hér er klæðist hún empwr-peysu sem var framleidd til styrktar Un Women. mbl.is/Stella Andrea

Ingibjörg Örlygsdóttir, eða Inga á Nasa eins og hún er gjarnan kölluð, klæðist ekki hverju sem er. Ljósmynd / Hanna Andrésdóttir

Svala Björgvinsdóttir hefur lengi verið þekkt fyrir töff stíl, en hún fer svo sannarlega sínar eigin leiðir.

Ragnhildur Hjaltadóttir ráðuneytisstjóri hefur sígildan stíl og sómir sér vel á lista yfir best klæddu konur Íslands. Golli / Kjartan Þorbjörnsson

Fyrirsætan og verslunarstjórinn Andrea Röfn Jónasdóttir er með skemmtilegan og látlausan stíl. Facebook

Eva Katrín Baldursdóttir, innkaupastjóri GK Reykjavík, hefur næmt auga fyrir fallegum fötum. Golli / Kjartan Þorbjörnsson

Aldís María Firman (lengst til vinstri) hefur svo sannarlega næmt auga fyrir kjólum. Hér skartar hún Margot-kjól frá Roksanda, sem ekki ómerkari konur en Melania Trump og Máxima Hollandsdrottning hafa einnig klæðst. Ljósmynd / samsett