Glöggir hafa tekið eftir því að breska konungsfjölskyldan hefur klæðst svipuðum litasamsetningum á opinberum heimsóknum þeirra upp á síðkastið.
Katrín hertogaynja, Vilhjálmur Bretaprins og börnin þeirra, Georg prins og Karlotta prinsessa hafa verið að ferðast um Evrópu síðustu viku og hægt er að segja að fjölskyldan sé búin að vera mjög samræmd í klæðaburði.
Í lok seinustu viku þegar fjölskyldan heimsótti Þýskaland klæddust þau fjólubláum og bleikum tónum.
Katrín hertogaynja klæddist fjólubláum kjól í svipuðum lit og köflótt skyrta prins Georgs. Skyrta Georgs skartaði einnig bleikum tónum í stíl við bleikan kjól Karlottu prinsessu. Vilhjálmur var einnig með í litasamsetningunni með fjólublátt bindi.
Í annarri opinberri heimsókn í Þýskalandi var litasamsetning fjölskyldunnar greinileg þar sem blár litur var ríkjandi.
Mæðgurnar klæddust báðar bláum kjólum á meðan Vilhjálmur skartaði bláu bindi og Georg blárri skyrtu.
Þegar fjölskyldan skellti sér til Póllands klæddust þau hvítum, rauðum og bláum litum. Á meðan Katrín hertogaynja klæddist hvítum kjól, var Karlotta prinsessa klædd í hvítan og rauðan kjól. Skyrta Georgs prins var rauð, hvít og blá á meðan Vilhjálmur Bretaprins klæddist bláum jakkafötum, hvítri skyrtu og var með rautt bindi.