Förðunarfræðingurinn Patrick Ta hefur farðað margar stjörnur, hann farðar meðal annars fyrirsætuna Gigi Hadid reglulega. Eins og allir alvörureynsluboltar lumar Ta á nokkrum góðum ráðum eins og Beuty Crew fór yfir.
Farðinn
Þegar kemur að endingargóðum farða mælir Ta ekki endilega með að treysta fullkomlega á farða sem er markaðssettur á þann hátt. Hann mælir með að blanda slíkum farða við rakakrem.
Augnhárin
Til þess láta maskarann endast vel mælir hann með því að nota aðeins venjulegan maskara á efri augnhárin en vatnsheldan á þau neðri.
Augnförðun
Ta mælir með að fólk setji á sig augnskugga áður en andlitsfarðinn og hyljarinn eru settir á. Hann mælir með farða í kremformi.
Ljómi
Ta blandar olíu við farðann til að skapa áreynslulausan ljóma. Hann mælir með La Mer Renewal-olíunni.
Varirnar
Til að gera varirnar fyllri mælir hann með varablýanti. Hann mælir þó með að nota hann bara að miðju varanna svo formið á endunum breytist ekki.
Útlínurnar
Þegar útlínur andlitsins eins og kinnbein eru gerð sýnilegri mælir Ta með kremuðum farða.