Tískustraumar eru ekki aðeins ráðandi þegar kemur að fatnaði og innanstokksmunum, því fegurðarskyn fólks sveiflast einnig eftir því sem þykir móðins.

Eftir að Kardashian-systur tóku yfir internetið hafa fegrunaraðgerðir á vörum og þjóhnöppum sótt í sig veðrið. Nú virðist nýjasta æðið þó vera að skarta nefi eins og Meghan Markle, unnusta Harrys Bretaprins.

„Fyrir hálfu ári byrjuðu sjúklingar að koma til mín til þess að biðja um nef eins og Meghan Markle,“ segir lýtalæknirinn Stephen T. Greenberg í samtali við Allure og bætir við að bón um að fá nef eins og Markle sé nú orðin ansi algeng.

„Hún er með nokkuð frábært nef, en galdurinn við það er að það er ekki fullkomið. Þegar maður horfir á það frá hlið sér maður að á því er svolíll hnúður sem sést ekki þegar maður horfir framan á það.“

Markle virðist aldeilis vera að stimpla sin inn sem fyrirmynd kvenna, en kvenpeningurinn keppist einnig um að klæðast eins og hún.

Frétt af mbl.is

Allir á eftir kápunni og heimasíðan hrundi

Nef Meghan Markle er víst í tísku um þessar mundir. AFP

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt