Jólaföt praktísku mömmunnar

Dragtir eru áberandi í jólatískunni. Það er ekki verra fyrir uppteknar mömmur og jafnvel ömmur að klæðast þægilegum fötum á jólunum. Þegar verið er að gera og græja er nefnilega ekki verra að fötin séu svolítið meðfærileg. Þessi dragt kemur frá Mos Mosh og er eins og himnasending fyrir uppteknu mömmurnar. Um er að ræða svartan jakka með stroffi á ermunum og svolítið jogginglegar buxur við sem eru með bandi í mittið og stroffi að neðan. Íþróttalegar buxur með rönd í hliðinni hafa þótt ansi móðins síðustu mánuði. Hér er um að ræða einfalda útgáfu af þeim tískustraum. Það sem er sniðugt við þessi jólaföt er að eftir hátíðahöldin má nota buxurnar við lekkera kasmír-peysu og jakkann við einhver allt önnur föt. Því erum við komin með mjög praktísk og smart jólaföt. Dragtin fæst Hjá Hrafnhildi.