Þórdís Kjartansdóttir lýtalæknir svarar spurningum lesenda Smartlands Mörtu Maríu. Hér er hún spurð að því hvort hægt sé að laga „cankles“.

Sæl,

Mig langaði að vita hvort það sé hægt að gera fitusog á kálfum til þess að laga hina svokölluðu „cankles“? Ef svo hvað myndi svoleiðis aðgerð kosta?

Kveðja,

Sigríður

Sæl Sigríður og takk fyrir spurninguna.

Orðið „cankles“ á ensku er notað þegar svæðið á milli kálfa og ökkla er nokkuð samfellt í stað þess að mjókka niður að ökkla. Þetta „ástand“ getur stafað af undirliggjandi sjúkdómum með bjúgsöfnun, verið ættgengt eða verið hrein fitusöfnun. Hvert tilfelli fyrir sig þarf að skoða og meta. Stundum kemur fitusog til greina. Ef um staðbundið svæði er að ræða getur komið til greina að gera aðgerðina í deyfingu en oftast þarf svæfingu. Kostnaðurinn við slíka aðgerð fer auðvitað eftir því, en kostnaður er frá 180 þúsundum.

Gangi þér vel og bestu kveðjur

Þórdís Kjartansdóttir lýtalæknir.

Liggur þér eitthvað á hjarta? Þú getur sent Þórdísi spurningu HÉR.

Tengdar fréttir

Spurðu lýtalækninn

„Hvenær ertu sátt við að verða ellikerling?“

• Mikil fjölgun á lýtaaðgerðum vegna megrunarlyfja
• Magavöðvar verða sýnilegri með aðferð Þórdísar
• Er hægt að fá ríkið til að niðurgreiða svuntuaðgerð?
• Getur 72 ára farið í svuntuaðgerð?

» Fleiri tengdar fréttir

• Blogga um frétt