Dældi steypu í andlit sitt og líkama

Lýtalæknarnir Paul Nassif og Terry Dubrow, stjörnur þáttanna Botched, hafa séð eitt og annað á sínum starfsferli en þeirra nýjasti viðskiptavinur er eflaust einn sá allra sérstakasti. Í nýjasta þætti af Botched má sjá konu að nafni Rajee koma í heimsókn til þeirra Nassif og Dubrow og biðja þá um hjálp.

Rajee biður læknana um hjálp en hún hefur unnið mikinn skaða á andliti og líkama sínum í gegnum tíðina, það gerði hún með því að sprauta steypu í andlitið og brjóstin.

Rajee lýsir því fyrir læknunum hvernig hún hefur dælt steypu í kinnar sínar, í kringum kjálkann og í brjóstin. „Ég er transkona og hormónameðferðir duga ekki alltaf til,“ segir Rajee í þættinum. Hún kveðst þá hafa brugðið á það ráð að sprauta steypu í sig til að öðlast kvenlegra útlit. „Ég hafði séð einhverjar stelpur gera þetta og þær voru gullfallegar.“

Læknirinn Nassif segir óvíst hvort hægt sé að bjarga andliti Rajee en hann ætlar að gera sitt besta.

Þátturinn var frumsýndur í gær á E!.

Lýtalæknarnir Paul Nassif og Terry Dubrow eru stjörnur þáttanna Botched.

• Blogga um frétt