Sænska merkið Emmaatan, sem sérhæfir sig í brúnkukremi, hefur valdið töluverðum usla á samfélagsmiðlum undanfarið. Einhverjir vilja meina að markaðssetningin á bak við merkið byggi á rasisma. Eigandinn er steinhissa á öllum látunum.
Litirnir heita Coconut, Onyx og Black svo dæmi séu tekin en nöfnin hafa einmitt farið sérstaklega fyrir brjóstið á einhverjum.
„Fyrir og eftir“-myndirnar hafa þá einnig vakið hörð viðbrögð og miklar umræður um kynþáttahatur hafa myndast við þær myndir. „Góðan dag. Mig langar til að spyrja, af hverju eruð þið að selja húðlitinn minn í dós,“ sagði einn notandinn.
Emma, konan á bak við merkið, kveðst vera undrandi á viðbrögðum fólks við þessu nýja brúnkukremi. „Ég hef fengið ótal viðbrögð, ég hef þá aðallega verið kölluð „black-face“ og rasisti. Fólk horfir á myndirnar sem ég birti og gerir ráð fyrir að ég sé að reyna að vera svört, ég biðst afsökunar á þessum misskilningi,“ skrifaði Emma meðal annars.