Íþróttir | Íslenski fótboltinn | mbl | 26.8.2007 | 20:00

Valur og FH sigruðu - Guðmundur tryggði KR stig gegn ÍA

Guðmundur Benediktsson skoraði annað mark Vals í Keflavík. Árni Sæberg

Fjórir leikir fóri fram í Landsbankadeild karla núna í kvöld. KR og ÍA skildu jöfn, 1:1. Breiðablik og Víkingur gerðu einnig 1:1-jafntefli. Íslandsmeistaralið FH vann Fylki á útivelli, 2:1. Valur sigraði Keflavík á útivelli, 3:1. Í kvöld kl. 20. hefst leikur Fram og HK en það er síðasti leikurinn í 14. umferð. Fylgst var með gangi mála hér á mbl.is.

**Staðan í Landsbankadeildinni eftir leiki kvöldsins**
1.	FH	14	9	4	1	31:18	31
2.	Valur	14	8	4	2	31:17	28
3.	ÍA	14	6	4	4	26:21	22
4.	Fylkir	14	6	3	5	15:15	21
5.	Breiðablik	14	4	7	3	21:12	19
6.	Keflavík	14	5	3	6	21:23	18
7.	HK	13	4	3	6	13:25	15
8.	Víkingur R.	14	3	4	7	13:21	13
9.	KR	14	2	5	7	11:21	11
10.	Fram	13	2	3	8	16:25	9

KR- ÍA 1:1

Leiknum er lokið.

90. mín: 1:1. Guðmundur Pétursson jafnar fyrir KR eftir fyrirgöf frá Gunnlaugi Jónssyni varnarmanni KR.

72. mín. Vjekoslav Svadumovic á skot sem hafnar í stönginn á marki KR.

36. mín: Ekkert gengur hjá KR. Bjarnólfur Lárusson tók vítaspyrnu á 39. mínútu en Páll Gísli markvörður ÍA varði hana. Boltinn hrökk til Bjarnólfs á ný en hann skaut yfir markið af um eins meters færi. Rétt fyrir hálfleik bjargaði Bjarni Guðjónsson síðan á marklínu skoti KR-inga.

18. mín. 0:1. Vjekoslav Svadumovic er búinn að koma Skagamönnum fyrir í vesturbænum þar sem þeir eru í heimsókn hjá KR. Hann skoraði með skoti úr vítateignum.

Breiðablik - Víkingur 1:1

Leiknum er lokið.

72. mín: Hermann Albertsson leikmaður Víkings fær rautt spjald en hann fékk þá annað gula spjaldið sitt í leiknum. Það er því jafnt í liðum á Kópavogvelli.

45. mín: 1:1 Guðmann Þórisson, varnarmaður Blika var rekinn af velli fyrir brot á 45. mínútu leiksins við Víkinga. Úr aukaspyrnunni skoraði Gunnar Kristjánsson með góðu skoti.

15. mín: 1:0. Í Kópavogi var Kristinn Steindórsson að koma Breiðabliki í 1:0 á móti víkingum.

Keflavík - Valur 1:3

Leiknum er lokið:

35. mín 1:3: Símún Samúelsen minnkaði muninn á 35. mínútu fyrir Keflavík.

Keflvíkingar eru búnir með allar þrjár skiptingar sínar vegna meiðsla leikmanna sinna.

26. mín: 0:3 Valsmenn komust í 3:0 í Keflavík með glæsilegu marki Baldurs Bett.

12. mín: 0:2 Guðmundur Benediktsson skorar annað mark Vals með föstu skoti úr vítateignum.

9. mín: 0:1. Valur er kominn í 2:0 í leik sínum við Keflavíkinga. Helgi Sigurðsson átti fremur laust skot á 9. mínútu sem fór í leikmann Keflavíkur og í netið.

Fylkir - FH 1:2

Leiknum er lokið.

90. mín: David Hannah, varnarmaður Fylkis, á skot sem fer í stöngina á FH-markinu.

84. mín: 1:2. Páll Einarsson skorar úr vítaspyrnu fyrir Fylki sem dæmd var á Frey Bjarnason varnarmann FH.

75. mín: 0:2 Matthías Vilhjálmsson skorar á ný fyrir Íslandsmeistarana eftir mistök í vörn Fylkis.

4. mín 0:1 Matthías Vilhjálmsson varð fyrstur til að skora í kvöld því hann kom FH í 1:0 á móti Fylki eftir fjögurra mínútuna leik.