Kristinn hættur að dæma fyrir KR
Kristinn Jakobsson
mbl.is/Ómar Óskarsson
Setja bókamerki
Kristinn Jakobsson, milliríkjadómari í knattspyrnu, gekk í dag úr röðum KR-inga og mun framvegis dæma fyrir 3. deildarfélagið KFK sem hefur aðsetur í Kópavogi.
Kristinn hefur dæmt fyrir KR frá því hann hóf feril sinn í efstu deild fyrir sautján árum en hann er Kópavogsbúi og hafði áður dæmt fyrir ÍK þar í bæ.
"Ég vildi vera algjörlega óháður í efri deildunum enda gengur það ekki að vera útilokaður frá einhverjum hluta leikja í deildinni vegna þess að maður sé skráður í eitt þeirra," sagði Kristinn við mbl.is í dag.
Kristinn fetar þar með í fótspor kunnra dómara eins og Garðars Arnar Hinrikssonar, sem dæmdi lengi fyrir Stokkseyri, og Braga Bergmanns sem dæmdi fyrir Árroðann í Eyjafirði á meðan hann var dómari í efstu deild.
Quang Le: „Ég gerði ekkert rangt“
„Við erum ekki hafin yfir gagnrýni“
Hefði ekki lagst gegn samþykkt sáttmálans
Enn langt í að rannsókn málsins ljúki
„Staðan er grafalvarleg“
Ræddu við skólasystkini stúlkunnar í dag
Misvísandi málflutningur ráðherra í máli Yazans
Ekki hópuppsögn að segja upp fastri yfirvinnu