Tap gegn Sviss í Laugardal

Íslenska kvennalandsliðið í fótbolta tapaði í kvöld fyrsta leik sínum í undankeppni HM 2015 gegn sterku liði Sviss á Laugardalsvelli, 2:0. Leikurinn var sá fyrsti undir stjórn nýs landsliðsþjálfara, Freys Alexanderssonar.

Jafnræði var með liðunum til að byrja með og komust bæði Hólmfríður Magnúsdóttir og Dagný Brynjarsdóttir í ágætis færi til að koma Íslandi yfir áður en Sviss tók forystuna á 9. mínútu leiksins.

Það gerði hin magnaða Ramona Bachman, samherji Söru Bjarkar og Þóru Helgadóttur hjá Malmöu í Svíþjóð, með skoti hægra megin úr teignum sem Guðbjörg Gunnarsdóttir missti undir sig. Ramona stakk sér á milli varnarmanna Íslands og náði skoti sem Guðbjörg hefði líklega átt að verja.

Gestirnir voru mun betri í leiknum og settu pressu framarlega á íslensku stúlkurnar sem þeim gekk illa að leysa. Sviss fékk færi til að bæta við mörkum en nýtingin var sem betur fer ekki góð.

Sviss bætti þó við marki á 54. mínútu úr vítaspyrnu sem dæmd var þegar Glódís Perla Viggósdóttir fékk bylmingsskot gestanna í höndina. Lara Dickenmann skoraði örugglega úr vítinu en í aðdraganda þess fór Bachman illa með íslensku vörnina eins og svo oft áður í leiknum.

Fleiri mörk voru ekki skoruð og byrjar Ísland því undankeppnina á tapi. Aðeins eitt lið úr riðlinum fer beint á HM og ekki öll sem lenda í 2. sæti í umspil þannig um fá sæti er barist og svona tap því dýrt.

Nánari umfjöllun verður um leikinn í Morgunblaðinu í fyrramálið en viðtöl koma inn á mbl.is síðar í kvöld. Fylgst var með leiknum í beinni textalýsingu og má lesa hana hér að neðan.

Ísland: (4-3-3) Mark: Guðbjörg Gunnarsdóttir. Vörn: Anna María Baldursdóttir, Glódís Perla Viggósdóttir, Katrín Jónsdóttir, Ólína G. Viðarsdóttir. Miðja: Sara Björk Gunnarsdóttir, Dagný Brynjarsdóttir, Dóra María Lárusdóttir. Sókn: Hólmfríður Magnúsdóttir, Margrét Lára Viðarsdóttir, Hallbera G. Gísladóttir. 
Varamenn: Þóra B. Helgadóttir. (M), Katrín Ómarsdóttir, Anna Björk Kristjánsdóttir, Harpa Þorsteinsdóttir, Ásgerður S. Baldursdóttir, Fanndís Friðriksdóttir, Rakel Hönnudóttir. 

Sviss: (4-4-2) Mark: Gaelle Thalmann . Vörn: Fabienne Humm, Caroline Abbé, Rahel Kiwic, Noelle Maritz.Miðja: Vanessa Bürki, Lia Walti, Vanessa Bernauer, Ana Maria Crnogorcevic. Sókn: Lara Dickenmann, Ramona Bachmann. 
Varamenn: Stenia Michel. (M), Sandra Betschart, Selina Kuster, Martina Moser, Sandy Maendly, Eseosa Aigbogun, Fabienne Bangerter. 

Ísland	0:2	Sviss	Opna lýsingu Loka
90. mín. Vanessa Bürki (Sviss) fer af velli +1.
Augnablik — sæki gögn...

• 2 blogg um fréttina

Bloggað um fréttina

• Torfi Kristján Stefánsson: Nýr þjálfari - nýjar áherslur?
• Jónatan Karlsson: Misskilin jafnréttisbarátta