Víkingur hefur náð samkomulagi við Ólaf Þórðarson og Milos Milojevic um að þeir verði áfram við stjórnvölinn og stýri liðinu næstu tvö árin.
Sú breyting verður á samstarfi þeirra að Milos, sem hefur verið aðstoðarþjálfari liðsins, mun nú verða aðalþjálfari með Ólafi.
Þeir hafa starfað saman hjá Víkingi í tvö ár. Undir þeirra stjórn vann liðið sér sæti í Pepsi-deildinni í fyrra og liðið er sem stendur í fjórða sæti deildarinnar og á mjög góða möguleika á að vinna sér sæti í Evrópukeppninni.