Íþróttir | Íslenski fótboltinn | mbl | 29.7.2015 | 23:50 | Uppfært 30.7.2015 1:17

Myndræn tilþrif á Akureyrarvelli

Mynd 1 af 21 Var þetta brot? KA-menn mótmæltu harðlega jöfnunarmarki Valsara. Hér verður ekki betur séð en einn Valsarinn haldi utan um Rajkovic markvörð þegar boltinn er á leið fyrir markið. Einnig má reyndar benda á að KA-maðurinn þeldökki, Archange Nkumu, tekur Hauk Pál Sigurðsson Valsmann hálstaki á sama tíma, sem er álíka ólöglegt og hitt! Skapti Hallgrímsson

Mynd 2 af 21 Rajkovic náði ekki að grípa boltann, ef til vill vegna þess að haldið var í hann, en Haukur Páll, sem stekkur upp með markverðinum, var ekki brotlegur. Skapti Hallgrímsson

Mynd 3 af 21 KA-menn náðu ekki að hreinsa almennilega frá markinu, boltinn hrökk út í teig þar sem Orri S. Ómarsson (til hægri) þrumaði honum í netið. Skapti Hallgrímsson

Mynd 4 af 21 Varnarmenn komast oft upp með eitt og annað misjafnt í fótboltaleikjum og er slík sjón algeng í öllum leikjum og allir nokkurn veginn jafn sekir! Hér grípa tveir Valsmenn til örþrifaráða á meðan beðið er eftir boltanum í hornspyrnu. Skapti Hallgrímsson

Mynd 5 af 21 Davíð Rúnar Bjarnason komst næst því að skora fyrir KA í seinni hálfleik. Hann skallar hér í stöng. Skapti Hallgrímsson

Mynd 6 af 21 Átti þetta að vera víti? Valsmenn heimtuðu vítaspyrnu í seinni hálfleik og ekki var annað að sjá en þeir hefðu nokkuð til síns máls. Skapti Hallgrímsson

Mynd 7 af 21 Vegna misskilnings milli Ívars Arnar Árnasonar og Rajkovic markvarðar tókst hvorugum að koma boltanum í burtu úr teignum eftir að Valsmenn voru ágengir. Skapti Hallgrímsson

Mynd 8 af 21 Þegar Patrick Pedersen kom aðvífandi kastaði Ívar Örn sér fyrir Valsmanninn sem náði ekki til boltans ... Skapti Hallgrímsson

Mynd 9 af 21 ... en féll eðlilega við þegar hann hljóp á andstæðinginn. Víti? Dæmi hver fyrir sig. Skapti Hallgrímsson

Mynd 10 af 21 Vítaspyrnukeppnin hafin. Kristinn Freyr Sigurðsson skoraði úr fyrstu spyrnunni, fyrir Val. Rajkovic átti enga möguleika. Skapti Hallgrímsson

Mynd 11 af 21 Elfar Árni Aðalsteinsson jafnar fyrir KA úr fyrsta víti norðanmann. Skapti Hallgrímsson

Mynd 12 af 21 Patrick Pedersen skorar örugglega fyrir Val. Skapti Hallgrímsson

Mynd 13 af 21 Ólafur Aron Pétursson jafnar fyrir KA. Ingvar Kale var nálægt því að verja. Skapti Hallgrímsson

Mynd 14 af 21 Einar Karl Ingvarsson kemur Val yfir á ný. Rajkovic var mjög nálægt því að verja skotið. Skapti Hallgrímsson

Mynd 15 af 21 Ingvar Kale ver örugglega vítaspyrnu KA-mannsins Josip Serdarucsic. Skapti Hallgrímsson

Mynd 16 af 21 Ingvar Kale ver örugglega vítaspyrnu KA-mannsins Josip Serdarucsic. Skapti Hallgrímsson

Mynd 17 af 21 Daninn Mathias Schlie kemur Val tveimur mörkum í vítakeppninni. Skapti Hallgrímsson

Mynd 18 af 21 Davíð Rúnar Bjarnason skorar af miklu öryggi úr síðasta víti KA-mann. Skapti Hallgrímsson

Mynd 19 af 21 Valsmenn í úrslit! Emil Atlason skorar af miklu öryggi úr síðasta vítinu. Skapti Hallgrímsson

Mynd 20 af 21 Boltinn í markinu eftir skot Emils. Valsmenn geta fagnað! Skapti Hallgrímsson

Mynd 21 af 21 Valsmenn fagna eftir að Emil Atlason (19) skoraði úr síðasta vítinu. Skapti Hallgrímsson

Valsmenn í úrslit! Emil Atlason spyrnti síðastur í vítakeppninni gegn KA og horfir hér á eftir boltanum í netið. mbl.is/Skapti Hallgrímsson

Valsmenn tryggðu sér sæti í úrslitaleik bikarkeppni karla í fótbolta í kvöld með því að sigra KA á Akureyrarvelli, eins og fram kom fyrr í kvöld. Staðan var 1:1 eftir hefðbundinn leiktíma og framlengingu og Valsmenn höfðu betur í vítaspyrnukeppni. Skoruðu úr öllum fimm spyrnum sínum en markvörður þeirra, Ingvar Kale, varði frá Josip Serdarusic.

Hart var barist í leiknum og töluvert um umdeild atvik. KA-menn mótmæltu til dæmis harðlega jöfnunarmarki Vals, töldu að brotið hefði verið á markverði sínum í aðdraganda þess. Þeir vildu einnig fá eina vítaspyrnu í leiknum og Valsmenn tvær. Hér eru nokkrar myndir úr leiknum.