Nú liggur fyrir að tvö af sigursælustu knattspyrnufélögum landsins, KR og Valur, mætast í bikarúrslitaleik karla í knattspyrnu á Laugardalsvellinum laugardaginn 15. ágúst.
KR-ingar hafa fjórtán sinnum sigrað í keppninni, oftast allra. Valsmenn koma næstir ásamt Skagamönnum með níu sigra.
Þrátt fyrir alla þessa velgengni þá hafa liðin einungis tvívegis mæst í bikarúrslitaleik karla ef frá er talinn leikurinn sem framundan er 15. ágúst.
Sjá samantekt um viðureignir KR og Vals í bikarnum í heild í íþróttablaði Morgunblaðsins í dag.