KR og Haukar mættust í fyrsta leik liðanna í riðli 3 í A deild Lengjubikars karla í knattspyrnu í Egilshöll í Grafarvogi í kvöld. Leik liðanna lyktaði með 1:1 jafntefli.
Hólmbert Aron Friðjónsson kom KR-ingum yfir á 52. mínútu leiksins og fjórum mínútum síðar urðu Haukar einum leikmanni færri þegar Arnari Aðalgeirssyni var vikið af velli.
Þrátt fyrir það jöfnuðu Haukar metin á 86. mínútu leiksins og þar var að verki Aron Jóhannsson. Þar við sat og liðin skiptust á jafnan hlut.