Fylkismenn hafa fengið markvörðinn Lewis Ward lánaðan frá enska knattspyrnufélaginu Reading í tæplega tvo mánuði, eða til 26. júní.
Reading greindi frá þessu á vef sínum í kvöld. Ward er 19 ára gamall og hefur spilað talsvert með 21-árs liði félagsins, og er nýbúinn að gera nýjan samning.
Fylkismenn eru aðeins með einn markvörð, Ólaf Íshólm Ólafsson, en markvarðaþjálfarinn Jóhann Ólafur Sigurðsson var varamarkvörður liðsins í fyrsta leik Íslandsmótsins, gegn Stjörnunni, um síðustu helgi.
„Ánægður með að hafa verið lánaður til Fylkis. Góð fyrsta æfing með liðinu og ég hlakka til næstu vikna!" skrifaði Ward á Twitter í kvöld.
Happy to have joined Fylkir fc on loan. Good first session with the team and looking forward to the next few weeks! #readingfc #fylkirfc
— Lewis Ward (@lewismward) May 5, 2016
LOAN | Young goalie @lewismward has joined Icelandic side Fylkir on loan. Read more... https://t.co/UNrWqgsngY pic.twitter.com/pdvqRGNvf8
— Reading FC (@ReadingFC) May 5, 2016