Þórhallur Dan Jóhannsson hefur verið ráðinn þjálfari karlaliðs Gróttu í knattspyrnu í stað Úlfs Blandon, sem á dögunum tók við þjálfun kvennaliðs Vals.
Þetta kemur fram á fótbolti.net. Þórhallur hefur verið aðstoðarþjálfari karlaliðs Hauka undanfarin tvö ár og þá þjálfaði hann lið Álftaness tvö tímabil.
Grótta tryggði sér sæti í 1. deildinni á næstu leiktíð, en liðið hafnaði í 2. sæti á eftir ÍR í sumar.