„Hann er mjög fínn náungi,“ segir framherjinn Óttar Magnús Karlsson um sinn nýja þjálfara, Ole Gunnar Solskjær, norska markahrókinn sem gerði garðinn frægan hjá Manchester United.
Óttar Magnús samdi í gær við norska knattspyrnufélagið Molde til þriggja ára, en Molde keypti hann frá Víkingi Reykjavík.
Þetta er í annað sinn sem Óttar yfirgefur Víkinga, en hann fór til hollenska stórliðsins Ajax sumarið 2013 og lék með unglingaliði félagsins en sneri þaðan heim fyrir síðasta tímabil.
Óttar, sem er 19 ára, skoraði sjö mörk í Pepsi-deildinni í sumar og var kjörinn efnilegasti leikmaður deildarinnar af leikmönnum. Nú hefur hann samið við Molde, sem varð norskur meistari árið 2014 en endaði í 5. sæti í ár, stigi frá Evrópusæti.
Sjá viðtal við Óttar í heild í íþróttablaði Morgunblaðsins í dag.