Íslenska U-19 ára landslið kvenna í knattspyrnu gerði 1:1-jafntefli við Ungverjaland þegar liðin mættust í vináttulandsleik á Grosics Gyula Stadion í Tatabánya í Ungverjalandi í morgun. Það var Anna Rakel Pétursdóttir sem skoraði mark Íslands með þrumufleyg af vinstri kantinum á 25. mínútu leiksins.
Lið Íslands var þannig skipað: Telma Ívarsdóttir - Dröfn Einarsdóttir, Melkorka Katrín Fl. Pétursdóttir (Margrét Eva Sigurðardóttir), Mist Þormóðsdóttir Grönvold, Anna Rakel Pétursdóttir - Andrea Mist Pálsdóttir (f) (Isabella Eva Aradóttir), Selma Sól Magnúsdóttir (Kristín Dís Árnadóttir), Rannveig Bjarnadóttir (Elma Mekkin Dervic) - Guðrún Gyða Haralz (Eva María Jónsdóttir), Thelma Lóa Hermannsdóttir, Kristín Þóra Birgisdóttir (Ásdís Karen Halldórsdóttir).
Ísland og Ungverjaland mættust einnig í vináttulandsleik ytra á þriðjudaginn var, en þá hafði ungverska liðið betur með tveimur mörkum gegn engu.