Þróttur Reykjavík greinir frá því á vef sínum að sóknarmaðurinn Emil Atlason sé með slitið krossband í hné og verði frá keppni af þeim sökum næstu mánuðina.
Emil varð fyrir meiðslunum í sigurleik Þróttar gegn Þór í Inkasso-deildinni um síðustu helgi og við skoðun í gær kom í ljós að krossbandið slitnaði.
Þetta er annað tímabilið í röð sem Emil meiðist illa en hann fótbrotnaði í leik gegn Stjörnunni í 3. umferð Pepsi-deildarinnar og lék ekkert meira með liðinu eftir það.
<br/><br/>