Stjörnumenn fengu draumabyrjun þegar þeir mætti Grindavík á heimavelli í Pepsi-deild karla í kvöld. Eftir aðeins 47 sekúndur var Baldur Sigurðsson fyrstur að átta sig eftir klafs í teig Grindvíkinga og kom Stjörnunni yfir.
Eftir það héldu Stjörnumenn boltanum betur en Grindvíkingar ógnuðu með Andra Rúnar fremstan í flokki með skyndisóknum.
Í seinni hálfleik byrjuðu Stjörnumenn aftur betur og eftir 52 mínútur skoraði Guðjón Baldvinsson mark eftir að Eyjólfur átti skot í þverslánna. Við þetta opnuðust flóðgáttir og Guðjón skoraði þrennu á aðeins tólf mínútum. Um korteri fyrir leikslok innsiglaði Hilmar Árni svo sigurinn með marki eftir gott samspil við Heiðar Ægisson og lokastaðan 5:0.