Eitt af markmiðunum var að vinna deildina

„Þetta er mjög tilfinning og það er gott að fá þrjú stig í mikilvægum leik. Ég hitti boltann mjög vel og það var gaman að sjá boltann enda inni," sagði Patrick Pedersen eftir að hafa skorað sigurmark Vals í 2:1 sigrinum á Víkingi Ó. í Pepsi-deild karla í knattspyrnu í kvöld. Pedersen gekk aftur til liðs við Vals fyrri í þessum mánuði en hann lék með liðinu frá 2013-2015. 

„Þetta er frábært og betra en síðast og við erum á toppi deildarinnar. Það er gaman að sjá strákana aftur og fólkið í kringum félagið."

Valsmenn eru með sex stiga forskot á toppi deildarinnar. 

„Við verðum að halda liðunum fyrir neðan okkur frá okkur og þess vegna var mjög mikilvægt að vinna í kvöld. Við verðum að hugsa um næsta leik og taka einn leik í einu. Það var eitt af markmiðunum mínum að vinna deildina, það væri æðislegt og við ætlum okkur að gera það."

Pedersen segist ekki vera í almennilegu leikformi en hann er að vinna í því. 

„Ég spilaði í síðustu viku en á undan því hafði ég ekki spilað í þrjá mánuði og ég er að vinna í því að komast í leikform og ég er viss um að það kemur."

Pedersen fékk lítið að spila með Viking í Noregi og hann viðurkennir að það hafi verið pirrandi. 

„Þetta hefur verið pirrandi á þessari leiktíð því ég hef verið tilbúinn til þess að spila. Ég veit ekki hvernig framtíðin verður og ég ætla að einbeita mér að Val núna," sagði hann að lokum. 

• Blogga um frétt