Uppselt er á leik Íslands og Kosóvó í undankeppni HM í knattspyrnu sem fram fer á Laugardalsvellinum þann 9. október.
Miðasala á leikinn hófst klukkan 12 á hádegi og seldust miðarnir upp á skömmum tíma. Fleiri miðar voru til sölu fyrir stuðningsmenn íslenska landsliðsins heldur en vanalega því afar fáir stuðningsmenn Kosóvó verða á leiknum.
Leikurinn gegn Kosóvó verður lokaleikur Íslands í riðlakeppninni en Íslendingar etja næst kappi við Tyrki og fer sá leikur fram í Tyrklandi föstudaginn 6. október.
<br/><br/>