Framherjinn Björgvin Stefánsson hefur fengið leyfi frá Haukum að ræða við önnur félög. Björgvin var næstmarkahæstur í 1. deildinni, Inkasso-deildinni, í sumar og stefnir á að spila á meðal þeirra bestu.
Björgvin segir við fotbolti.net í dag að Haukar hafi sýnt honum skilning og munu ekki standa í vegi fyrir honum að yfirgefa liðið.
Björgvin skoraði 14 mörk í 19 leikjum í deildinni í sumar, en hann var markahæstur sumarið 2015 þegar hann skoraði 20 mörk. Hann fór í kjölfarið til Vals og síðar Þróttar síðasta sumar en átti erfitt uppdráttar.