Íþróttir | Íslenski fótboltinn | mbl | 9.11.2017 | 17:17 | Uppfært 17:42

Byrjunarliðið gegn Spáni - Fyrsti leikur Mikaels

Albert Guðmundsson er fyrirliði U21-landsliðsins. mbl.is/Golli

Eyjólfur Sverrisson hefur valið byrjunarlið íslenska U21-landsliðsins sem mætir Spánverjum í undankeppni EM í Murcia kl. 18.30.

Ein breyting er á byrjunarliðinu frá síðasta leik, markalausu jafntefli við Albaníu á útivelli, en Samúel Kári FriðjónsSon tekur út leikbann og Mikael Anderson kemur inn í liðið í hans stað. Þetta er fyrsti leikur Mikaels fyrir U21-landslið Íslands. Ásgeir Sigurgeirsson kom inná gegn Albaníu en fékk rauða spjaldið og tekur í kvöld út fyrri leikinn í tveggja leikja banni.

Mikael er 19 ára gamall og hefur leikið með U17-landsliði Íslands, en einnig með U19-landsliði Danmerkur. Þetta er fyrsti U21-leikur hans. Hann hefur leikið í Danmörku allan sinn feril og er leikmaður Midtjylland, en er á láni hjá Vendsyssel í dönsku B-deildinni.

Ísland hefur leikið þrjá leiki í undankeppninni og er með fjögur stig en Spánn hefur unnið báða leiki sína og er því með sex stig.

Mark: Sindri Kristinn Ólafsson.

Vörn: Alfons Sampsted, Hans Viktor Guðmundsson, Axel Óskar Andrésson, Felix Örn Friðriksson.

Miðja: Mikael Anderson, Viktor Karl Einarsson, Júlíus Magnússon.

Sókn: Tryggvi Hrafn Haraldsson, Jón Dagur Þorsteinsson, Albert Guðmundsson.

Varamenn: Aron Snær Friðriksson, Ari Leifsson, Aron Már Brynjarsson, Orri Sveinn Stefánsson, Grétar Snær Gunnarsson, Óttar Magnús Karlsson, Marinó Axel Helgason.