Davíð og Erlingur framlengja í Víkinni

Knattspyrnudeild Víkings hefur komist að samkomulagi við Davíð Örn Atlason og Erling Agnarsson um tveggja ára framlengingu á samningum þeirra hjá félaginu. Þetta kemur fram í tilkynningu frá Víkingum í kvöld.

Davíð sem fæddur er 1994 á að baki 58 leiki í deild og bikar fyrir félagið og hefur í þeim skorað 3 mörk. Erlingur er fæddur 1998 og á að baki 26 leiki og eitt mark fyrir Víking í deild og bikar.

Þeir eru báðir uppaldir hjá Víkingi og lýsir knattspyrnudeildin mikilli ánægju með að þessir mikilvægu leikmenn hafi framlengt samninga sína.

Aron Bjarki Jósefsson og Erlingur Agnarsson. mbl.is/Árni Sæberg

• Blogga um frétt