Vanda formlega tekin við sem formaður KSÍ

Vanda Sigurgeirsdóttir er formlega tekin við sem formaður Knattspyrnusambands Íslands, KSÍ. Hún tók við embættinu á aukaþingi KSÍ í dag.

Vanda var ein í framboði til formanns og því sjálfkjörin í embættið. Kjör hennar var samþykkt af þingfulltrúum sem sóttu aukaþingið í dag.

Hún er fyrsta konan sem er kjörin formaður KSÍ í sögu knattspyrnusambandsins og er jafnframt eini kvenkyns formaður knattspyrnusambands á meðal allra 55 aðildarþjóða Knattspyrnusambands Evrópu, UEFA.

Vanda er kosin til bráðabirgða og mun gefast færi á endurkjöri á ársþingi KSÍ í febrúar næstkomandi. Bjóði hún sig fram á því gefst Vöndu kostur á að vera kosin til tveggja ára.

Vanda Sigurgeirsdóttir, nýr formaður KSÍ, tekur til máls á aukaþinginu í dag. Gunnar Egill Daníelsson

• 1 blogg um fréttina

Bloggað um fréttina

• Páll Vilhjálmsson: Valdafemínismi, Kristrún, Vanda Sig