„Ég vorkenni Willum Þór stundum í þessum landsliðsverkefnum,“ sagði Arnar Gunnlaugsson, þjálfari Íslands- og bikarmeistara Víkings úr Reykjavík í knattspyrnu, í Fyrsta sætinu.

Arnar, sem er þjálfari Íslands- og bikarmeistara Víkings, gerði meðal annars upp landsleik Íslands og Ísraels í undanúrslitum umspilsins um sæti í lokakeppni EM 2024 þar sem Ísland fagnaði stórsigri, 4:1, í Búdapest á fimmtudaginn, ásamt því að spá í spilin fyrir komandi úrslitaleik gegn Úkraínu í Wroclaw í Póllandi á þriðjudaginn.

Frétt af mbl.is

Þrenna Alberts og Ísland í úrslitaleikinn

Ótrúlega hæfileikaríkur

Willum Þór Willumsson var í byrjunarliði Íslands gegn Ísrael en var skipt af velli í hálfleik eftir að hafa byrjað inn á í stöðu hægri kantmanns.

„Hann er ótrúlega hæfileikaríkur leikmaður sem er að spila mjög vel með sínu félagsliði,“ sagði Arnar.

„Hann er mikið út úr stöðu með landsliðinu þegar hann er að spila á kantinum og ég myndi vilja sjá hann meira á miðsvæðinu, með sinn líkamlega styrk og þá tækni sem hann býr yfir.

Hann gæti nýst okkur vel gegn Úkraínu og mér finnst hann sinna mjög óeigingjörnu starfi innan landsliðsins,“ sagði Arnar meðal annars.

Hægt er að hlusta á umræðuna í heild sinni í spil­ar­an­um hér fyr­ir ofan eða með því að smella hér. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Reglur KSÍ um meint brot leikmanna í endurskoðun

• Munu endurskoða samning landsliðsþjálfarans í haust
• Gæðin til staðar hjá Liverpool til þess að klára mótið?
• Arnar um Gylfa Þór: Ekkert launungarmál
• „Ég mun sakna hans mjög mikið“

» Fleiri tengdar fréttir

• Blogga um frétt