Þór/KA frá Akureyri hafnar í fimmta sæti Bestu deildar kvenna í knattspyrnu á komandi keppnistímabili, samkvæmt spá Morgunblaðsins og mbl.is.
Þór/KA fékk 126 stig þegar atkvæði spámannanna voru lögð saman en þar voru gefin stig frá einu (fyrir 10. sætið) upp í tíu (fyrir fyrsta sætið). Akureyrarliðið er 23 stigum fyrir ofan Víking og FH sem voru jöfn í sjötta og sjöunda sætinu og ætti samkvæmt því að þurfa að hafa fyrir því að komast í efri hlutann fyrir lokasprett deildarinnar næsta haust.
Þór/KA endaði einmitt í fimmta sætinu í fyrra sem er besti árangur liðsins í fjögur ár en það hafði dottið niður í neðri hluta deildarinnar frá 2020. Þór/KA var hins vegar aldrei neðar en í fjórða sæti í tólf ár í röð, frá 2008 til 2019, og varð Íslandsmeistari árin 2012 og 2017. Þá lék Akureyrarliðið til úrslita í bikarkeppninni árið 2013. Það hefur leikið samfleytt í efstu deild frá árinu 2005.
Þór/KA teflir fram svipuðu liði og í fyrra og lykilatriði fyrir liðið var að halda Söndru Maríu Jessen í sínum röðum. Aðalbreytingin er þó sú að þrír erlendir leikmenn hurfu á braut og aðrir þrír eru komnir í staðinn. Þá fór Jakobína Hjörvarsdóttir í Breiðablik. Þór/KA er með góða blöndu af eldri og yngri leikmönnum sem þurfa að taka góð skref fram á við til þess að liðið nái að blanda sér í baráttuna í efsta hluta deildarinnar.
Jóhann Kristinn Gunnarsson þjálfar liðið annað árið í röð en hann var áður með það á blómaskeiðinu á árunum 2012 til 2016.
Komnar:
Bryndís Eiríksdóttir frá Val (lán - lék með HK 2023)
2.3. Lidija Kulis frá Split (Króatíu)
2.3. Lara Ivanusa frá Split (Króatíu)
3.2. Gabriella Batmani frá Maccabi Kishronot (Ísrael)
Farnar:
16.3. Júlía Margrét Sveinsdóttir í Völsung
24.2. Arna Rut Orradóttir í Völsung (lán)
21.2. Melissa Anne Lowder í Bay FC (Bandaríkjunum)
19.2. Jakobína Hjörvarsdóttir í Breiðablik
Tahnai Annis
Dominique Randle
Fyrstu leikir Þórs/KA:
21.4. Valur - Þór/KA
27.4. FH - Þór/KA
2.5. Þór/KA - Þróttur R.
9.5. Víkingur R. - Þór/KA
14.5. Þór/KA - Keflavík
Lokastaðan:
1 ??
2 ??
3 ??
4 ??
5 Þór/KA 126
6 Víkingur R. 103
7 FH 103
8 Fylkir 47
9 Tindastóll 46
10 Keflavík 42