Davíð Snorri Jónasson var í dag ráðinn aðstoðarþjálfari íslenska karlalandsliðsins í fótbolta. Hann tekur við starfinu af Jóhannesi Karli Guðjónssyni sem samdi við AB í Danmörku.
KSÍ leitaði ekki langt að aðstoðarmanni, því Davíð þjálfaði U21 árs landsliðið. „Leitin var einföld. Jörundur (Áki Sveinsson) og Toddi (Þorvaldur Örlygsson) ræddu þennan möguleika.
Davíð hefur fylgt þessum leikmönnum í mörg ár og þjálfað U21 landsliðið og það er mikilvægt,“ sagði Åge Hareide landsliðsþjálfari á blaðamannafundi í dag.
„Ég naut þess mjög að þjálfa með Jóhannesi, en svo hef ég átt gott samband við Davíð líka. Hann er spenntur að koma inn og það var í forgangi að fá Íslending í þetta starf,“ bætti Norðmaðurinn við.